Nor gara?

NATALI 2017ko udan sortu zen. Natali Izagirrek, bi urtez Estatu Batuetan barrena ibili ondoren, bere ezinegonak azaleratu nahian, Ixak Arruti usurbildarrarekin elkartu eta proiektu berri honi hasiera eman zion. Bakoitzak bere ibilbidean ikasitakoak elkarbanatuz, estilo ezberdinetako kantu bilduma osatu zuten. Horrela, “Iparrorratzik gabe” kantua kaleratu zuten 2018ko otsailean. 

Proiektuari bultzada eta osotasuna emateko asmoz, Gorka Mendizabal, zarauztarra; Andres Insua, patagoniarra; eta Olaia Inziarte, oronoztarrarekin batera taldea osatu zuten. Bost unibertso hauen leherketatik dator NATALIren esentzia.

2018ko irailean, Garate Studioetan, Kaki Arkarazo teknikari eta produktore lanetan zutelarik, “Garena” izeneko lehen diska grabatu zuten. Bertan, musika estilo ezberdinetako kantuak aurki daitezke: pop, rock, funky, country… 2019ko martxoan kaleratu zuten lehen lan hori eta ordutik Euskal Herriko txoko ezberdinetan zuzenekoak eskaintzen ibili dira.

Gaur egun, taldea Natali Izagirre, Ixak Arruti, Gorka Mendizabal, Andres Insua eta Oihana Rodriguezek osatzen dute eta NATALIren bigarren diskan lanean dabiltza.

×
×

Cart